Nieh meh Guetzli für eus Studente!

Ecrire un commentaire

So mini liebe Lüt... Da hani doch wiedermal es super Thema ussgsuecht wo ich mit eu bespreche han welle, dasmal uf schwiizerdütsch :) Isch eu schomal ufgfalle wie cheibe eng die Stüehl sind ide Hörsääl? Und wie wenn das ned scho gnueg astrengend isch, will s isch würki ned eifach mind. 45 min uf so eme ungmüetliche chline Stuehl z hocke hets denn au fast kei Platz zum hinde durelaufe. Da han ich mich natürli mal gfrögt, und was isch mit dene Studente, wo ned a Bulimie leidet??? Ich gseh das nämli scho cho dä Winter, wenn denn all vo Diheime Guetzli, Mandarinli usw. mitnehmed und plötzli under de dicke Wullepullis 2, 3 Speckrölleli sich wahrmöched. Ooooh ja..Mir kenned das ja all. S isch Winter, mer isst meh, dusse is chalt, und niemert merkts wennmer es paar Kilo zuenimmt. Schliesslich het mer ja au de ganz Früehlig zum die wieder müehsam abzspecke^^ Aber jetzt mal ganz seriös. Was hend sich die Lüt denn überleid wos die Bankreihene bout hend? S isch ja würki so, dass mer scho meeeega knapp durechunt, wenn mer ich seg jetzt mal "normal" gwichtig isch. Doch ich weiss genau, im Winter mit de dicke Jagge und de Pullis und ebe dene 2,3 Kilo meh (wo bestimmt au ich mir stinkefrech aeigne wird) chunt doch überhaupt niemert meh dure? Naja mal luege was ihr dezue seged ;)

Freu mi scho uf eui kreative Antworte.

Lg Serena