Trotzt den Semesterferien!

12.07.2006 um 17:11

Winterthur, 11. Juli 06

Ja, es isch sowiit, nachdem ich mich da iigläbt han i minere 3.5-Zimmer Wohnig inere eigentlich neue, spannende Stadt händ mich d Semesterferie unufhaltsam überfalle!

Nachdem ich beschlosse han, mich als tatchräftigi Reinigungs chraft nützlich z mache hani mich talkshowluegend vore TV verzoge. Aber selbst s übliche Geplänkel über Teeniemüetter, Vaterschaftstest und Lügedetektore hett mi nöd chöne fessle. So bini *rotwerd* vorem TV verpennt...

Schliesslich hani mich nach mim Klavier gsehnt, das isch zur Ziit no im Glarnerland...(wer hetti gern es guet erhaltes, härzigs, chlises dunkelbruuns Klavier?). Schlussändlich muesis wohl doch no zügle ;-( Was hetti füre chlini Jamsession à la "Misty" vom Errol Garner geh? Vielleicht ein Wort, vielleicht ein Lied? (Zitat "Das weisse Spitzchen" von C.F. Meyer)...

Niemert wott mir än Feriejob verschaffe...die ganz Wält isch gäge mich... (Infolge Nicht-Ausführung eines Ferienjobs gsehts ebe mit de Monete au nöd guet us, weshalb sehr viel Freizeitaktivitäte wägfalled)!

Gäge ufkommendi Depressione akämpfend tueni mich chrampfhaft mit Läse ablänke. "Der Unfassbare", das mörderische Leben des Werner Ferrari.

Was füre chranki Psyche het der Typ!!

Dänn bini doch grad wieder zfride mit mim eigentlich ganz schöne, friedliche und eigeständige Läbe!

In diesem Sinne: Hasta la vista...